Luis de la Fuente Ispaniya terma jamoasi bosh murabbiyi sifatida 50-o‘yinini o‘tkazdi.

65 yoshli mutaxassis boshqaruvida Ispaniya Millatlar ligasi guruh bosqichining 1-turida Angliyani 3:2 hisobida mag‘lub etdi.

De la Fuente Ispaniya bosh murabbiyi etib tayinlanganidan keyin jamoa 50 ta o‘yinda 38 ta g‘alaba qozondi, 10 marta durang o‘ynadi va atigi 2 marta mag‘lub bo‘ldi.

Bu davrda ispanlar 125 ta gol urdi va 37 ta to‘p o‘tkazib yubordi.

Ispaniya terma jamoasi tarixida dastlabki 50 ta o‘yinda de la Fuentedan ko‘proq g‘alaba qozongan faqat bitta murabbiy bor — Visente Del Boske. U dastlabki 50 uchrashuvining 43 tasida g‘alaba qozongan.