"Barselona" yarim himoyachisi Frenki de Yong safga qaytishga yaqin turibdi.
Mundo Deportivo ma’lumotiga ko‘ra, niderlandiyalik futbolchi 5 oktyabrdan boshlab kataloniyaliklarning umumiy mashg‘ulotlariga qo‘shilishi kutilmoqda. U dastlab jamoaviy mashqlarda bosqichma-bosqich ishtirok etadi.
Shu bilan birga, de Yongning to‘liq sport formasiga kirishi uchun yana bir necha hafta talab qilinishi aytilmoqda.
Manbaga ko‘ra, yarim himoyachining 25 oktyabr kuni bo‘lib o‘tadigan "el-klasiko"ga tayyor bo‘lish ehtimoli past. Uzoq tanaffusdan keyin bunday muhim uchrashuvda futbolchini tavakkal qilib maydonga tushirish rejalashtirilmayapti.
Frenki de Yongning maydonga qaytishi uchun eng ehtimoliy uchrashuv 1 noyabr kuni "Alaves"ga qarshi bahs hisoblanmoqda.
