«Atalanta» markaziy himoyachi Jordjo Skalvini bilan yangi mehnat shartnomasini imzolash bo‘yicha kelishuvga erishdi, deb xabar beradi insayder Nikolo Skira ijtimoiy tarmoqlarda.

Manba xabariga ko‘ra, tomonlar hamkorlikni 2031 yilning yoziga qadar uzaytirishdi.

Avvalroq matbuotda Skalviniga Angliya Premyer-ligasining ikki klubi tomonidan qiziqish borligi haqida ma’lumot paydo bo‘lgandi. 22 yoshli italiyalik futbolchini Londonning «Chelsi» va «Nyukasl» klublari o‘z safiga qo‘shib olmoqchi edi.

Italiya chempionatining joriy mavsumida himoyachi beshta o‘yin o‘tkazdi. Futbolchining transfer qiymati 38 million yevroga baholanmoqda. U 2021 yilning yozidan beri Bergamo klubi sharafini himoya qilib kelmoqda.