UYEFA prezidenti Aleksander Cheferin FIFA rahbari Djanni Infantino manziliga tanqidiy fikr bildirdi.

Avvalroq Xalqaro futbol assosiasiyalari federasiyasi UYEFA va boshqa tashkilotlarning noroziligi fonida Johon chempionati huquqlarining bir qismini sotishni nazarda tutuvchi loyihadan voz kechgan edi.

– Siz va [Italiya federasiyasi prezidenti] Malagoning Infantino atrofidagi vaziyatga qarashlaringiz, shubhasiz, o‘xshash...

– Sport turimizga bo‘lgan ishonch uchta «ustun»ga suyanadi: birlik, shaffoflik va tor doiradagi shaxslar emas, balki ko‘pchilik manfaatlariga xizmat qiluvchi boshqaruv tizimi. Oxirgi vaqtlarda bu tamoyillarning barchasi aynan ularni himoya qilishga qasam ichgan odamlar tomonidan toptaldi.

Jahon futbolini parchalanishiga olib kelgan loyiha, ehtimol, bekor qilingandir, ammo u tomonidan putur yetkazilgan ishonch haligacha qayta tiklangani yo‘q. Endigi umumiy vazifamiz — ushbu ishonchni qaytarish.

Italiya va Yevropa futbol oilasi — boshqa konfederasiyalardagi hamkorlar bilan birgalikda — o‘yinimizni himoya qilish kerak bo‘lgan har safargidek, yagona front bo‘lib chiqayotganidan xursandman. Takrorlayman: futbol sotilmaydi», – dedi Cheferin.