«Barselona» himoyachisi Jyul Kunde mavsum boshidan beri asosiy tarkibdagi o‘rnini yo‘qotgach, jamoadagi kelajagi haqida o‘ylay boshlagan. Agar vaziyat o‘zgarmasa, fransuz futbolchisi Kataloniya klubini tark etishga tayyor bo‘lishi mumkin. Bu haqda Sport.es xabar berdi.

Manbaga ko‘ra, Angliya chempionatining uchta yetakchi klubi 27 yoshli himoyachiga qiziqish bildirmoqda.

Yozda «Barselona» Kundeni sotishga tayyor edi, ammo futbolchining o‘zi jamoada qolishni istagan.

Agar klub uni sotishga qaror qilsa, transferdan 50 million yevrodan ortiq mablag‘ ishlab olishi mumkin.

Joriy mavsumda Kunde barcha musobaqalar doirasida 5 ta o‘yinda maydonga tushdi.

Uning «Barselona» bilan amaldagi shartnomasi 2030 yil yoziga qadar tuzilgan. Transfermarkt portali futbolchining bozor qiymatini 60 million yevroga baholamoqda.