Belgiya terma jamoasi bosh murabbiyi Mark van Bommel Millatlar ligasi 2-turida Fransiyaga qarshi o‘yin oldidan Mika Godtsga qanday maslahat berganini aytib berdi.

"Unga hujumni keskinlashtirishda davom etishi kerakligini aytdim. Agar oltita urinish o‘xshamasa, yettinchi marta yana sinab ko‘rish lozim. Chunki bu — uning eng kuchli jihati", — dedi van Bommel.

Godts esa jamoada Jeremi Doku va Malik Fofana bilan raqobat haqida fikr bildirdi.

"PSJ"ga o‘tishimning sabablaridan biri ham shu. Yuqori saviyali futbolda raqobat — oddiy holat", — dedi u.

Hozircha van Bommel Godts Fransiyaga qarshi o‘yinni asosiy tarkibda boshlaydimi-yo‘qmi, degan masala bo‘yicha qaror qabul qilmagan.

Fransiya — Belgiya uchrashuvi 28 sentyabr kuni bo‘lib o‘tadi. Godts Millatlar ligasi 1-turida Italiyaga qarshi o‘yinda chiroyli gol urgan edi.