Mashhur sobiq futbolchi Bastian Shvaynshtayger Germaniya terma jamoasining Gresiyaga qarshi kutilmagan 0:1 hisobidagi uy mag‘lubiyatidan so‘ng jamoani keskin tanqid qildi.

Millatlar ligasi doirasidagi uchrashuv yakshanba kuni bo‘lib o‘tdi. Mehmonlarga g‘alaba keltirgan yagona golni 74-daqiqada Dimitris Kurbelis urdi.

«Biz endi top-jamoa emasmiz — hozir oddiy o‘rtacha jamoaga aylandik.

Bizda o‘yin taqdirini hal qilib bera oladigan futbolchilar yo‘q. Hatto Gresiyada Karesas, Solis va Pavlidis bor. Men uchun bular o‘yin taqdirini hal qila oladigan futbolchilar.

Umid qilamanki, Klopp o‘z futboli — Klopp futbolida o‘ynaydigan jamoani shakllantira oladi», — deya Shvaynshtaygerning so‘zlarini Bayern & Germany keltirdi.

1 oktyabr, payshanba kuni Yurgen Klopp boshchiligidagi Germaniya terma jamoasi o‘z maydonida Serbiyani qabul qiladi.