Superligada sentyabr oyining eng yaxshi murabbiyi bo‘lishga nomzodlar ma’lum bo‘ldi.

Ro‘yxatdan "Paxtakor" ustozi Kamoliddin Tojiyev, "Nasaf" bosh murabbiyi Ro‘ziqul Berdiyev, OKMK murabbiyi Mirjalol Qosimov, "Navbahor" ustozi Timur Kapadze va "Surxon" bosh murabbiyi Anvar G‘ofurov joy oldi.

Sentyabr oyida Kamoliddin Tojiyev boshchiligidagi "Paxtakor" 3 ta o‘yinning barchasida g‘alaba qozondi. Jamoa 8 ta gol urib, 2 ta gol o‘tkazib yubordi.

Ro‘ziqul Berdiyevning "Nasaf"i ham oy davomida 3 ta uchrashuvda 3 ta g‘alaba qayd etdi. Qarshiliklar 13 ta gol urib, 3 ta gol o‘tkazdi.

Mirjalol Qosimov boshchiligidagi OKMK 3 ta o‘yinda 2 ta g‘alaba va 1 ta mag‘lubiyat qayd etdi. To‘plar farqi — 4:4.

Timur Kapadze murabbiyligidagi "Navbahor" 3 ta bahsda 2 ta g‘alaba va 1 ta durangga erishdi. Namanganliklarning to‘plar farqi — 8:4.

Anvar G‘ofurov boshchiligidagi "Surxon" esa sentyabr oyida 3 ta o‘yin o‘tkazib, 2 ta g‘alaba va 1 ta mag‘lubiyat qayd etdi. To‘plar farqi — 3:3.