AQSH terma jamoasi bosh murabbiyi Maurisio Pochettino «Manchester Siti» atrofidagi vaziyat haqida fikr bildirdi. Argentinalik mutaxassis avvalroq «Sautgempton», «Tottenxem» va «Chelsi» klublarida ishlagan.

«Manchester Siti» 2009 yildan 2018 yilgacha bo‘lgan davrga oid moliyaviy qoidabuzarliklar bo‘yicha qo‘yilgan 115 ta ayblovning 114 tasida aybdor deb topildi.

«Agar bu haqiqat bo‘lsa, demak, biz aldash davrida yashagan ekanmiz. Qanday jazo qo‘llanishidan qat’i nazar, ortga qaytishning iloji yo‘q — zarar allaqachon yetkazilgan. Bu juda achinarli.

Bunday vaziyatda sport adolati haqida gap bo‘lishi mumkin emas. Agar 114 ta qoidabuzarlik tasdiqlansa, umid qilamizki, bu holat kelajakda shunga o‘xshash voqealarning oldini olishga yordam beradi va barcha teng sharoitda raqobatlasha oladi», — deya Pochettinoning so‘zlarini The Athletic keltiradi.

Ko‘rsatilgan davr mobaynida «Manchester Siti» Angliya Premyer-ligasida uch marta chempion bo‘lgan.