Milanning «Inter» klubi sobiq himoyachisi, hozirda erkin agent bo‘lib turgan Matteo Darmian A Seriya klublaridan birida ishga joylashishga yaqin turibdi.

Ishochnchli insayder Nikolo Skiraning ijtimoiy tarmoqlarda xabar berishicha, 36 yoshli futbolchi «Bolonya»ga o‘tmoqda. Darmian «rossoblu» bilan mehnat shartnomasini imzolash bo‘yicha kelishib oldi. Shartnoma keyingi yilning yozigacha mo‘ljallangan bo‘ladi.

Eslatib o‘tamiz, Matteo 2020 yildan 2026 yilgacha «Inter» sharafini himoya qilgan.

Italiya chempionatining o‘tkazilgan besh turidan so‘ng «Bolonya» ikki ochko jamg‘arib, turnir jadvalida 18-o‘rinda bormoqda. Jamoa navbatdagi o‘yinini safarda «Lechche»ga qarshi o‘tkazadi.