Angliya terma jamoasi bosh murabbiyi Tomas Tuxel UEFA Millatlar ligasi doirasida Chexiya ustidan qozonilgan 2:0 hisobidagi g‘alabadan so‘ng o‘z taassurotlari bilan o‘rtoqlashdi.

Angliyaliklar safardagi uchrashuvda Entoni Gordon va Harri Keynning 47 va 69-daqiqalarda urgan gollari evaziga g‘alaba qozondi. 25-daqiqada chexlar bir kishi kam bo‘lib qoldi — Pavel Shuls maydondan chetlatildi.

«Biz o‘yinga juda professional yondashdik, ikkinchi bo‘limda esa o‘yinimizni kuchaytirishga muvaffaq bo‘ldik. Bu munosib g‘alaba. Raqibning erta qizil kartochka olishi o‘yinning tomoshabopligiga unchalik yaxshi ta’sir ko‘rsatmadi, ammo biz o‘z o‘yinimizni davom ettirdik va g‘alabani ta’minladik — eng muhimi ham shu», — dedi Tuxel ITV telekanaliga bergan intervyusida.

3 oktyabr kuni Angliya safarda Xorvatiyaga qarshi o‘ynaydi.