Англия терма жамоаси бош мураббийи Томас Тухель УЕФА Миллатлар лигаси доирасида Чехия устидан қозонилган 2:0 ҳисобидаги ғалабадан сўнг ўз таассуротлари билан ўртоқлашди.

Англияликлар сафардаги учрашувда Энтони Гордон ва Харри Кейннинг 47 ва 69-дақиқаларда урган голлари эвазига ғалаба қозонди. 25-дақиқада чехлар бир киши кам бўлиб қолди — Павел Шульц майдондан четлатилди.

«Биз ўйинга жуда профессионал ёндашдик, иккинчи бўлимда эса ўйинимизни кучайтиришга муваффақ бўлдик. Бу муносиб ғалаба. Рақибнинг эрта қизил карточка олиши ўйиннинг томошабоплигига унчалик яхши таъсир кўрсатмади, аммо биз ўз ўйинимизни давом эттирдик ва ғалабани таъминладик — энг муҳими ҳам шу», — деди Тухель ITV телеканалига берган интервьюсида.

3 октябрь куни Англия сафарда Хорватияга қарши ўйнайди.