Hujumchi Krishtianu Ronaldu, shuningdek, Portugaliya terma jamoasi bosh murabbiyi Jorje Jezush va Portugaliya Futbol federasiyasi prezidenti Pedru Proensa chorshanba kuni Kopengagenda uchrashuv o‘tkazadi. Bu haqda Record xabar berdi.
Manbaga ko‘ra, uchrashuv Norvegiyaga qarshi Millatlar ligasidagi o‘yindan keyin yuzaga kelgan keskinlik fonida bo‘lib o‘tadi. Jezush avvalroq Ronalduni taxminan 30 daqiqa maydonga tushirishini ochiq aytgan edi, ammo hujumchi zaxirada qoldi, maydonga tushmadi.
Manbaning ta’kidlashicha, Ronaldu murabbiyning qaroridan norozi bo‘lgan. Vaziyatning keyingi oqibatlari hozircha noma’lum.
