«Milan»ning ikki futbolchisi joriy mavsum yakunlanganidan so‘ng klubni tark etadi.

Foot Mercato ma’lumotiga ko‘ra, «Milan» himoyachi Fikayo Tomori va yarim himoyachi Ruben Loftus-CHik bilan shartnomani uzaytirishni rejalashtirmayapti. Har ikki futbolchining amaldagi kelishuvi kelasi yozda o‘z nihoyasiga yetadi.

Qayd etilishicha, ushbu futbolchilar bilan xayrlashish «Milan»ga maosh xarajatlaridan yiliga qariyb 10 million yevro tejash imkonini beradi.

Manba Tomorining klubni yanvar oyidayoq tark etishi mumkinligini ham istisno qilmagan. Loftus-CHik esa katta ehtimol bilan shartnomasi yakuniga qadar jamoada qoladi.

Italiya chempionatining dastlabki besh turidan keyin «Milan» 11 ochko jamg‘arib, turnir jadvalida beshinchi o‘rinni egallab turibdi.