«Милан»нинг икки футболчиси жорий мавсум якунланганидан сўнг клубни тарк этади.
Foot Mercato маълумотига кўра, «Милан» ҳимоячи Фикайо Томори ва ярим ҳимоячи Рубен Лофтус-Чик билан шартномани узайтиришни режалаштирмаяпти. Ҳар икки футболчининг амалдаги келишуви келаси ёзда ўз ниҳоясига етади.
Қайд этилишича, ушбу футболчилар билан хайрлашиш «Милан»га маош харажатларидан йилига қарийб 10 миллион евро тежаш имконини беради.
Манба Томорининг клубни январь ойидаёқ тарк этиши мумкинлигини ҳам истисно қилмаган. Лофтус-Чик эса катта эҳтимол билан шартномаси якунига қадар жамоада қолади.
Италия чемпионатининг дастлабки беш туридан кейин «Милан» 11 очко жамғариб, турнир жадвалида бешинчи ўринни эгаллаб турибди.
