Argentina terma jamoasi bosh murabbiyi Lionel Skaloni Lionel Messi istagan paytda uni maydonga tushirishga tayyor ekanini bildirdi.
Rejaga ko‘ra, «Inter Mayami»ning 39 yoshli hujumchisi 4 oktyabr kuni Argentina terma jamoasi qarorgohiga yetib keladi va ikki kundan so‘ng Beninga qarshi o‘zining xayrlashuv uchrashuvida maydonga tushadi. Biroq Skalonining aytishicha, yulduz futbolchi jamoaga bundan oldinroq ham qo‘shilishi mumkin.
«Messi yakshanba kuni, Burkina-Fasoga qarshi o‘yindan keyin yetib keladi. Ammo istasa, u ertaroq kelib, shanba kunigi uchrashuvda ham maydonga tushishi mumkin», — deya Skalonining so‘zlarini insayder Fabrisio Romano keltirdi.
Argentina terma jamoasi ertaga tongda, Toshkent vaqti bilan soat 05:00 da Boliviyaga qarshi o‘rtoqlik uchrashuvini o‘tkazadi.
