Internetda braziliyalik jurnalistning Fransiya terma jamoasi bosh murabbiyi Zinedin Zidan bilan Belgiyaga qarshi Millatlar ligasi uchrashuvidan keyin o‘tkazgan intervyusi aks etgan video tarqaldi.
Jurnalist mutaxassisni tanishtirar ekan, odat bo‘yicha Zidanni Madridning «Real» klubi bosh murabbiyi deb atab yubordi. U deyarli darhol xatosini anglab, fransuz mutaxassis milliy terma jamoani boshqarayotganini aytib, o‘zini to‘g‘riladi. Zidan esa jurnalistning bu adashishidan keyin kulib yubordi.
Zidan yozda Didye Desham o‘rnini egallab, Fransiya terma jamoasi bosh murabbiyiga aylangan edi.
Uning qo‘l ostida fransuzlar Millatlar ligasida hozirga qadar ikkita o‘yin o‘tkazib, har ikkisida g‘alaba qozondi. Avvaliga Fransiya safarda Turkiyani 1:0 hisobida mag‘lub etgan bo‘lsa, keyin xuddi shu hisobda Belgiya ustidan zafar quchdi.
