«Kalyari» va Italiya terma jamoasining 20 yoshli yarim himoyachisi Alessandro Romano «Yuventus», «Inter» hamda Angliyaning ayrim klublari e’tiborini tortdi.

Tuttosport ma’lumotiga ko‘ra, mazkur klublar futbolchini transfer qilish bo‘yicha dastlabki aloqalarni boshlagan. Romano o‘tgan yozda «Roma»dan «Kalyari»ga majburiy sotib olish sharti bilan ijaraga o‘tgan.

«Yuventus» va «Inter» uni bir necha haftadan beri kuzatib kelmoqda. «Inter» esa Romanoni shartnomasi tugashiga bir yil qolgan Hakan Chalhanog‘luga ehtimoliy o‘rinbosar sifatida ko‘rmoqda.

Angliyaning bir qator klublari ham «Kalyari» bilan futbolchi bo‘yicha dastlabki muzokaralarni boshlagan.