«Кальяри» ва Италия терма жамоасининг 20 ёшли ярим ҳимоячиси Алессандро Романо «Ювентус», «Интер» ҳамда Англиянинг айрим клублари эътиборини тортди.
Tuttosport маълумотига кўра, мазкур клублар футболчини трансфер қилиш бўйича дастлабки алоқаларни бошлаган. Романо ўтган ёзда «Рома»дан «Кальяри»га мажбурий сотиб олиш шарти билан ижарага ўтган.
«Ювентус» ва «Интер» уни бир неча ҳафтадан бери кузатиб келмоқда. «Интер» эса Романони шартномаси тугашига бир йил қолган Ҳакан Чалҳаноғлуга эҳтимолий ўринбосар сифатида кўрмоқда.
Англиянинг бир қатор клублари ҳам «Кальяри» билан футболчи бўйича дастлабки музокараларни бошлаган.
