«Barselona» prezidenti Joan Laporta «Komo» bosh murabbiyi Sesk Fabregasning faoliyatiga yuqori baho berdi.
«Sesk juda yaxshi ishlamoqda. Uning dunyoqarashi menga juda yoqadi. U «Barselona» falsafasini yaxshi biladi va uni «Komo»da ham joriy qilgan», — dedi Laporta.
Fabregasning kelajakda «Barselona» bosh murabbiyi bo‘lishi mumkinligi haqidagi savolga esa Laporta hozircha klub Hansi Flikdan mamnun ekanini aytdi. Flikning «Barselona» bilan shartnomasi 2028 yilgacha amal qiladi, Fabregas shartnomasida esa kataloniyalik klub qiziqish bildirsa, «Kamp Nou»ga qaytish imkonini beruvchi band borligi xabar qilingan.













