Dushanba kuni Millatlar ligasi doirasida Italiya terma jamoasi safarda Turkiyani 4:1 hisobida mag‘lub etdi. Uchrashuvdan so‘ng «skuadra adzurra» himoyachisi Jordjo Skalvini mazkur natija haqida fikr bildirdi.
«Turkiya ustidan qozonilgan g‘alaba bizga kuchli jamoa ekanimizni, yaxshi futbol namoyish etib, g‘alaba qozona olishimizni yana bir bor anglatdi.
Tajribali futbolchilar biz, yoshlarga katta yordam bermoqda. Bu juda muhim. Ular Italiya va milliy terma jamoaning haqiqiy ruhini namoyon etmoqda.
Jamoamizda ajoyib futbolchilar jamlangan, bir-birimiz bilan juda yaxshi chiqishib ketganmiz», — deya Skalvinining so‘zlarini keltiradi Goal.
