Душанба куни Миллатлар лигаси доирасида Италия терма жамоаси сафарда Туркияни 4:1 ҳисобида мағлуб этди. Учрашувдан сўнг «скуадра адзурра» ҳимоячиси Жорджо Скальвини мазкур натижа ҳақида фикр билдирди.
«Туркия устидан қозонилган ғалаба бизга кучли жамоа эканимизни, яхши футбол намойиш этиб, ғалаба қозона олишимизни яна бир бор англатди.
Тажрибали футболчилар биз, ёшларга катта ёрдам бермоқда. Бу жуда муҳим. Улар Италия ва миллий терма жамоанинг ҳақиқий руҳини намоён этмоқда.
Жамоамизда ажойиб футболчилар жамланган, бир-биримиз билан жуда яхши чиқишиб кетганмиз», — дея Скальвинининг сўзларини келтиради Goal.
