"Barselona" yarim himoyachi Frenki de Yong bilan xayrlashish istagi haqida matbuotda anchadan beri mish-mishlar tarqalmoqda. Kataloniya klubi niderlandiyalik futbolchining eng yaxshi yillari ortda qolganiga va u juda yuqori maosh olayotganiga ishonmoqda.
"Barselona" de Yongni sotishga tayyor, ammo arzon narxga emas. Kataloniyaliklar ushbu transferdan taxminan 70 million yevro ishlab topishga harakat qilmoqda.
"Bu katta summa, garchi de Yong xalqaro tajribaga ega futbolchi bo‘lib qolmoqda va Yevropada yuqori obro‘ga ega. Muammo shundaki, dastlabki takliflar "Barselona" talablaridan ancha past", deyiladi El Nacional nashridagi maqolada.
"Liverpul" ham 29 yoshli de Yongga qiziqish bildirmoqda. Biroq, "qizillar"ning dastlabki taklifi "Barselona" talablaridan ancha past. "Qizillar" 40 million yevro to‘lashga tayyor.
Frenki de Yong hozirda jarohat olgan. Niderlandiyalik futbolchi noyabr oyida yana maydonga tushishi kutilmoqda.
