Angliya terma jamoasi bosh murabbiyi Tomas Tuxel hujumchi Xarri Keynning o‘ziga xosligi haqida fikr bildirdi.

«Uch sherlar» sardori Millatlar ligasining Chexiya (2:0) va Ispaniya (2:3)ga qarshi so‘nggi uchrashuvlarida bittadan gol urdi. Hozir va kelajakda hujumchini teng darajada almashtirish masalasi haqida gapirar ekan, Angliya terma jamoasi ustozi «Bavariya» yulduzining o‘rnini bosish deyarli imkonsiz ekanini tan oldi.

«Siz boshqa Keynni topa olmaysiz. Biz turli variantlar va yechimlarni izlayapmiz. Kelajakda uning o‘rnida boshqa futbolchi bo‘ladi, ammo u Xarrining nusxasi bo‘lmaydi. Vaqti kelganda yechim topiladi. Balki buni endi men izlashimga to‘g‘ri kelmas — ehtimol, Keyn yana o‘n yil o‘ynashi mumkin. U sekin emas, tezlik borasida hech kimdan qolishmaydi, doimo boshqalarni oldinga undaydi. U nihoyatda mehnatkash. Unda barcha kerakli sifatlar bor», — deya Tuxelning so‘zlarini keltiradi Bayern & Germany.

Iyul oyida Xarri Keyn 33 yoshga to‘ldi.