Madridning «Real» klubi darvozaboni Tibo Kurtua Belgiya terma jamoasining kuzgi o‘yinlarida ishtirok etmaslikka qaror qildi.

34 yoshli futbolchi Belgiya terma jamoasi bosh murabbiyi Mark van Bommelga hozircha klubdagi faoliyatini ustuvor deb bilishini ma’lum qildi.

«Terma jamoa bosh murabbiyi bilan suhbatda Millatlar ligasining bu o‘yinlarida ishtirok etishni istamasligimni aytdim, chunki oldinda «Real» bilan muhim uchrashuvlar bor», — deya darvozabonning so‘zlarini keltiradi Madrid Xtra.

Tibo Kurtua Belgiya terma jamoasi safida jami 115 ta o‘yin o‘tkazib, 90 ta gol o‘tkazib yuborgan.

Belgiya Millatlar ligasidagi ishtirokini Italiya ustidan 2:0 hisobidagi g‘alaba bilan boshladi, keyin esa Fransiyaga 0:1 hisobida mag‘lub bo‘ldi. Juma, 2 oktyabr kuni «qizil iblislar» Turkiya terma jamoasiga qarshi maydonga tushadi.