Мадриднинг «Реал» клуби дарвозабони Тибо Куртуа Бельгия терма жамоасининг кузги ўйинларида иштирок этмасликка қарор қилди.
34 ёшли футболчи Бельгия терма жамоаси бош мураббийи Марк ван Боммелга ҳозирча клубдаги фаолиятини устувор деб билишини маълум қилди.
«Терма жамоа бош мураббийи билан суҳбатда Миллатлар лигасининг бу ўйинларида иштирок этишни истамаслигимни айтдим, чунки олдинда «Реал» билан муҳим учрашувлар бор», — дея дарвозабоннинг сўзларини келтиради Madrid Xtra.
Тибо Куртуа Бельгия терма жамоаси сафида жами 115 та ўйин ўтказиб, 90 та гол ўтказиб юборган.
Бельгия Миллатлар лигасидаги иштирокини Италия устидан 2:0 ҳисобидаги ғалаба билан бошлади, кейин эса Францияга 0:1 ҳисобида мағлуб бўлди. Жума, 2 октябрь куни «қизил иблислар» Туркия терма жамоасига қарши майдонга тушади.
