Braziliya terma jamoasida debyut qilgan "Korintians" markaziy yarim himoyachisi Breno Bidon Yevropaning ikki top-klubi qiziqish doirasiga tushdi.
Insayder Ekrem Konurning ijtimoiy tarmoqlarda bergan ma’lumotiga ko‘ra, 21 yoshli futbolchini Londonning "Arsenal" va Turinning "Yuventus" klublari o‘z safiga qo‘shib olishni istamoqda.
Transfermarkt portali mutaxassislari Bidonning bozor qiymatini 25 million yevro deb baholamoqda. Yarim himoyachining "Korintians" bilan amaldagi shartnomasi 2029 yil dekabr oyi oxirigacha mo‘ljallangan.
Breno joriy mavsum Braziliya chempionatida 25 ta o‘yin o‘tkazdi. U 2 ta gol urdi, 1 ta golli uzatmani amalga oshirdi va 4 ta sariq kartochka oldi.
