Бразилия терма жамоасида дебют қилган "Коринтианс" марказий ярим ҳимоячиси Брено Бидон Европанинг икки топ-клуби қизиқиш доирасига тушди.
Инсайдер Экрем Конурнинг ижтимоий тармоқларда берган маълумотига кўра, 21 ёшли футболчини Лондоннинг "Арсенал" ва Туриннинг "Ювентус" клублари ўз сафига қўшиб олишни истамоқда.
Transfermarkt портали мутахассислари Бидоннинг бозор қийматини 25 миллион евро деб баҳоламоқда. Ярим ҳимоячининг "Коринтианс" билан амалдаги шартномаси 2029 йил декабрь ойи охиригача мўлжалланган.
Брено жорий мавсум Бразилия чемпионатида 25 та ўйин ўтказди. У 2 та гол урди, 1 та голли узатмани амалга оширди ва 4 та сариқ карточка олди.
