«Real» himoyachisi Raul Asensio o‘ng boldir suyagi sinishi sababli muvaffaqiyatli operasiya qilindi. Jarrohlik amaliyoti Madrid klubining tibbiy shtabi nazorati ostida o‘tkazildi. Yaqin kunlarda futbolchi tiklanish jarayonini boshlaydi. Bu haqda «Qirollik klubi»ning rasmiy sayti xabar berdi.
Avvalroq Asensioning jarohati joriy yil yanvaridan buyon, ya’ni to‘qqiz oy davomida bezovta qilayotgani xabar qilingan edi. Terma jamoalar o‘yinlari uchun berilgan uch haftalik tanaffus vaqtida himoyachi jarohatidan xalos bo‘lishga so‘nggi bor urinib ko‘rdi, ammo konservativ davolash va tiklanish jarayonini tezlashtirish kutilgan natijani bermadi.
Raul Asensio 2024 yil iyul oyidan buyon «Real» safida o‘ynab kelmoqda. Himoyachi «qaymoqranglilar» bilan shartnomasini 2031 yilga qadar uzaytirgan.
