Angliya terma jamoasi bosh murabbiyi Tomas Tuxel Jud Bellingem kelajakda milliy jamoa sardori bo‘lishi mumkinmi, degan savolga javob berdi.

«Agar u Chexiyaga qarshi o‘yinning yakuniy qismida sardorlik bog‘ichini taqqan bo‘lsa, demak, bir kuni terma jamoaning to‘laqonli sardoriga aylanishi ham mumkin», — deya Tuxelning so‘zlarini jurnalist Fabrisio Romano keltirdi.

Bellingem Angliya terma jamoasida 2020 yilda debyut qilgan. Shu vaqtdan buyon u milliy jamoa safida 58 ta o‘yin o‘tkazib, 13 ta gol urgan va 12 ta golli uzatmani amalga oshirgan.

3 oktyabr, shanba kuni Tuxel shogirdlari safarda Xorvatiya terma jamoasiga qarshi maydonga tushadi. Millatlar ligasi guruh bosqichi 3-turidan o‘rin olgan uchrashuv Toshkent vaqti bilan soat 21:00 da boshlanishi rejalashtirilgan.