"Andijon" futbolchisi Aziz Turg‘unboyevning jarohati bo‘yicha ma’lumot berildi.
Futbolchi ikki kun oldin jamoaning umumiy mashg‘uloti vaqtida chap oyog‘idan jarohat olgan edi. Klub shifokori Olimjon Ne’matovning ma’lum qilishicha, ultratovush tekshiruvidan so‘ng Turg‘unboyevga boldir mushagi uzilishi tashxisi qo‘yilgan.
Qayd etilishicha, bunday jarohatning bitishi o‘rtacha 12–14 kun vaqt oladi. Futbolchi besh kunlik muolajadan so‘ng individual mashg‘ulotlarni boshlashi rejalashtirilgan.
Shu tariqa, Aziz Turg‘unboyev yaqin uchrashuvlarni o‘tkazib yuborishi mumkin.
