Fransiya terma jamoasi bosh murabbiyi Zinedin Zidan Millatlar ligasida Italiyaga qarshi kechgan va 1:1 hisobida yakunlangan o‘yinda Kilian Mbappening yo‘qligi qay darajada ta’sir qilgani haqida fikr bildirdi.
Fransiya terma jamoasining yulduz sardori jarohat sababli uchrashuvni o‘tkazib yubordi va muddatidan oldin Madridning «Real» klubi ixtiyoriga qaytdi. Fransuzlar Zidan bosh murabbiy bo‘lganidan beri ilk bor g‘alaba qozona olmadi.
«Bizga Mbappe yetishmadimi? Bu haqda gapirishning ma’nosi yo‘q. U bu yerda emas, jarohat olgan», — dedi Zidan matbuot anjumanida.
Fransiyaning Italiya darvozasiga urgan yagona goliga Maykl Olise mualliflik qildi. U 55-daqiqada jarima zarbasini aniq amalga oshirdi. Mehmonlar esa 68-daqiqada Alessandro Bastonining goli evaziga hisobni tenglashtirdi.
