«Yuventus» va «Lill» so‘nggi yillarda bir qator transfer kelishuvlarini amalga oshirgan. Edmon Jegrova, Tyago Djalo va Timoti Vea «Lill»dan Turin klubiga o‘tgan futbolchilar jumlasiga kiradi.

TuttoJuve ma’lumotlariga ko‘ra, «Yuventus» fransuz klubiga hali 12,93 million yevro to‘lashi kerak. Mazkur summa bitta futbolchi transferiga emas, ikki klub o‘rtasidagi turli kelishuvlar bo‘yicha qolgan to‘lovlarga tegishli.

Shuningdek, qarzdorlik faqat Jegrovaning transferi bilan bog‘liq emas. «Yuventus»ning «Lill» bilan Djalo va Vea transferlari bo‘yicha ham to‘lov majburiyatlari mavjud.