"RB Leypsig"ning norvegiyalik vingeri Antonio Nusa faoliyatini Londonning "Arsenal" klubida davom ettirishi mumkin. Bu haqda Arsenal Radar xabar berdi.

Manba ma’lumotiga ko‘ra, Nusa "Arsenal"ning asosiy transfer maqsadlaridan biri hisoblanadi. "Kanonirlar" 21 yoshli futbolchi uchun 40 million yevro miqdorida taklif tayyorlamoqda.

Biroq "RB Leypsig" o‘z vingeri uchun 60–65 million yevro talab qilmoqda.

Shuningdek, futbolchining vaziyatini "Tottenxem", "Bavariya", "Barselona" va A Seriyaning bir nechta klublari ham kuzatib bormoqda.

Joriy mavsumda Nusa "RB Leypsig" safida 6 ta o‘yin o‘tkazib, 3 ta gol urdi va 2 ta golli uzatma berdi.