«Barselona» futbolchisi Lamin Yamal Millatlar ligasi doirasida Chexiyaga qarshi 3:1 hisobida yakunlangan uchrashuvda Ispaniya terma jamoasi safida urgan navbatdagi golidan so‘ng fikr bildirdi.
19 yoshli vinger yana o‘yin boshidayoq o‘zini ko‘rsatdi. U 6-daqiqada uzoq burchakka chiroyli zarba yo‘llab, raqib darvozasini ishg‘ol qildi.
«Hammasi yaxshi, men juda xursandman. Jahon chempionatidan so‘ng terma jamoaga qaytishni sabrsizlik bilan kutgandim. Hammasi xuddi men istagandek bo‘ldi. Bu golni sevgan qizim va uning oilasiga bag‘ishlayman — bugun ular meni qo‘llab-quvvatlashdi», — deya yosh yulduzning so‘zlarini Ispaniya terma jamoasi matbuot xizmati keltirdi.
Lamin Yamal Millatlar ligasining joriy mavsumida uchta uchrashuvda 4 ta gol urdi va 1 ta golli uzatmani amalga oshirdi.
