«Real» hujumchisi Endrik ko‘proq o‘yin amaliyotiga ega bo‘lish uchun qishki transfer oynasida boshqa klubga o‘tish imkoniyatini ko‘rib chiqmoqda. Bu haqda UOL xabar berdi.
20 yoshli futbolchi uchun asosiy da’vogarlar «Roma» va «Milan» hisoblanadi. Endrik joriy mavsum boshida madridliklar safida sakkizta o‘yinda jami atigi to‘rt daqiqa maydonda harakat qildi. Italiya klublari allaqachon uning vakillari bilan bog‘langan.
Manba ma’lumotiga ko‘ra, Endrik mavsum o‘rtasida transfer qilish variantini o‘tgan yilgi «Lion»ga o‘tishiga o‘xshash tarzda ko‘rib chiqmoqda. Fransiya klubi safida u 21 ta uchrashuvda 8 ta gol urgan va 7 ta golli uzatmani amalga oshirgan.
Qayd etilishicha, hujumchi yozdayoq «Roma»ga o‘tish bo‘yicha kelishuvga erishgan edi. Biroq «Real» bosh murabbiyi Joze Mourinyu futbolchini jamoada olib qolishni so‘ragan.
