Fransiya terma jamoasi himoyachisi Jyul Kunde xalqaro tanaffusning yangi formati haqida fikr bildirdi.

«Hozircha unga baho berish qiyin. Biz bu yerda 14 kundan beri turibmiz, avval bunday bo‘lmagan. Qisqa vaqt ichida ko‘plab o‘yinlar o‘tkazishga to‘g‘ri kelmoqda. Tarkibimiz katta, shuning uchun murabbiy o‘yin vaqtini futbolchilar o‘rtasida taqsimlashi kerak.

Hozircha bu format menga yoqadimi yoki yo‘qmi, ayta olmayman. Menimcha, xulosa qilish uchun hali juda erta», — deya Kundening so‘zlarini Le Parisien keltirdi.

Sentyabr oyida Fransiya Millatlar ligasini Turkiya va Belgiya ustidan 1:0 hisobidagi g‘alabalar bilan boshladi. 2 oktyabr kuni Zinedin Zidan shogirdlari Italiya bilan 1:1 hisobida durang o‘ynadi.

Fransiya terma jamoasi navbatdagi uchrashuvini 5 oktyabr kuni o‘z maydonida Belgiyaga qarshi o‘tkazadi.