Франция терма жамоаси ҳимоячиси Жюль Кунде халқаро танаффуснинг янги формати ҳақида фикр билдирди.
«Ҳозирча унга баҳо бериш қийин. Биз бу ерда 14 кундан бери турибмиз, аввал бундай бўлмаган. Қисқа вақт ичида кўплаб ўйинлар ўтказишга тўғри келмоқда. Таркибимиз катта, шунинг учун мураббий ўйин вақтини футболчилар ўртасида тақсимлаши керак.
Ҳозирча бу формат менга ёқадими ёки йўқми, айта олмайман. Менимча, хулоса қилиш учун ҳали жуда эрта», — дея Кунденинг сўзларини Le Parisien келтирди.
Сентябрь ойида Франция Миллатлар лигасини Туркия ва Бельгия устидан 1:0 ҳисобидаги ғалабалар билан бошлади. 2 октябрь куни Зинедин Зидан шогирдлари Италия билан 1:1 ҳисобида дуранг ўйнади.
Франция терма жамоаси навбатдаги учрашувини 5 октябрь куни ўз майдонида Бельгияга қарши ўтказади.
