Angliya terma jamoasi bosh murabbiyi Tomas Tuxel Millatlar ligasida Chexiyaga qarshi o‘yin oldidan hujumchi Xarri Keyn haqida fikr bildirdi.
"Jahon futbolida bunday darajadagi barcha markaziy hujumchilar, qaysi chempionatda o‘ynashidan qat’i nazar, boshqalardan biroz farq qiladi.
Ular buni faqat jamoa g‘alabasi uchun emas, balki o‘zlari va rekordlar uchun ham qiladi: "Yana qancha gol ura olaman? Qancha golli uzatma bera olaman? Keyingi rekord qaysi bo‘ladi?"
Aynan shu narsa ularni oldinga yetaklaydi va bu yaxshi. Bunday darajadagi, shaxsiy maqsadlari bo‘lmagan hujumchini topa olmaysiz", — dedi Tuxel matbuot anjumanida.
Angliya joriy Millatlar ligasida uchta uchrashuv o‘tkazdi. Birinchi turda Tuxel jamoasi Ispaniyaga 2:3 hisobida mag‘lub bo‘ldi, keyin safarda Chexiyani 2:0 hisobida yengdi. Oldingi bahsda esa angliyaliklar Xorvatiyani 7:0 hisobida yirik mag‘lubiyatga uchratdi.
