Rossiya terma jamoasining sobiq hujumchisi Andrey Arshavin 2026 yilda «Oltin to‘p»ni kimga berishini aytdi.

Arshavinning so‘zlariga ko‘ra, bu yil sovrin uchun yaqqol favorit yo‘q. Shuning uchun u o‘z tanlovi sifatida Lionel Messini ko‘rsatgan.

«U jahon chempionatini juda yaxshi o‘tkazdi, Argentina terma jamoasini deyarli yolg‘iz o‘zi yetakladi. Afsuski, jamoani g‘alabagacha olib bora olmadi, ammo har qanday holatda ham terma jamoada ham, “Mayami”da ham juda yaxshi o‘ynadi», — deb Arshavinning so‘zlarini «Match TV» keltiradi.

Arshavinning ta’kidlashicha, sovrin uchun yaqqol da’vogar yo‘qligini hisobga olsak, «Oltin to‘p»ning Messiga berilishi munosib yakun bo‘lar edi.

«Oltin to‘p»ni topshirish marosimi 26 oktyabr kuni Londonda bo‘lib o‘tadi. Lionel Messi faoliyati davomida ushbu sovrinni sakkiz marta qo‘lga kiritgan va bu rekord hisoblanadi.