Россия терма жамоасининг собиқ ҳужумчиси Андрей Аршавин 2026 йилда «Олтин тўп»ни кимга беришини айтди.
Аршавиннинг сўзларига кўра, бу йил соврин учун яққол фаворит йўқ. Шунинг учун у ўз танлови сифатида Лионель Мессини кўрсатган.
«У жаҳон чемпионатини жуда яхши ўтказди, Аргентина терма жамоасини деярли ёлғиз ўзи етаклади. Афсуски, жамоани ғалабагача олиб бора олмади, аммо ҳар қандай ҳолатда ҳам терма жамоада ҳам, “Майами”да ҳам жуда яхши ўйнади», — деб Аршавиннинг сўзларини «Матч ТВ» келтиради.
Аршавиннинг таъкидлашича, соврин учун яққол даъвогар йўқлигини ҳисобга олсак, «Олтин тўп»нинг Мессига берилиши муносиб якун бўлар эди.
«Олтин тўп»ни топшириш маросими 26 октябрь куни Лондонда бўлиб ўтади. Лионель Месси фаолияти давомида ушбу совринни саккиз марта қўлга киритган ва бу рекорд ҳисобланади.
