«Liverpul»ning sobiq himoyachisi Jeymi Karrager moliyaviy qoidabuzarliklarda aybdor deb topilgan «Manchester Siti»ning Angliya Premyer-ligasidagi joriy mavsumdagi istiqbollari haqida fikr bildirdi. Shuningdek, u boshqa klublar muxlislari «Siti»ga qanday munosabat bildirishi mumkinligini aytdi.

«Menimcha, endi “Siti” uchun bu mavsumda qandaydir yutuqqa erishish juda qiyin bo‘ladi. Albatta, mavsum davomida sanksiyalar qo‘llanishi mumkin, ammo menimcha, endi “Manchester Siti”ning har bir safardagi o‘yinida juda keskin muhit hukm suradi.

Afsuski, hozir hamma “Manchester Siti”ning qonini istamoqda. Aniqrog‘i, futbolchilari va bosh murabbiyining qonini. Shuning uchun ularga qandaydir natijaga erishish juda qiyin bo‘ladi, deb o‘ylayman», — deya Karragerning so‘zlarini Sky Sports keltiradi.