"Yuventus" yarim himoyachisi Kefren Tyuram jarohatdan keyin tiklanish jarayonini davom ettirmoqda. Fransiyalik futbolchi 3 sentyabr kuni jarrohlik amaliyotini o‘tkazgan edi.

Goal nashri ma’lumotiga ko‘ra, Tyuram keyingi ikki haftani Lionda o‘tkazadi. Aynan shu yerda unga operasiya qilingan va futbolchi mahalliy shifokor nazorati ostida reabilitasiya jarayonini davom ettiradi.

Tyuram og‘riqsiz mashg‘ulot o‘tkazishiga xalaqit bergan va shish paydo bo‘lishiga sabab bo‘lgan muammolar tufayli o‘ng tizzasidan operasiya qilingan.

Liondagi ikki haftalik tiklanish jarayonidan so‘ng futbolchi Turinga qaytib, reabilitasiya va maydonga qaytishga tayyorgarlikning keyingi bosqichini boshlaydi.

Manba ma’lumotiga ko‘ra, Tyuram 2027 yil yanvaridan oldin maydonga qayta olmaydi.