O‘zbekiston milliy jamoasi bugun safarda Koreya Respublikasiga qarshi maydonga chiqib, imkoniyatni boy berdi (0:2). Janubiy Koreya terma jamoasi bosh murabbiyi Robert Moreno O‘zbekistonga qarshi o‘tkazilgan o‘rtoqlik uchrashuvidan so‘ng o‘yin haqida o‘z fikrlarini bildirdi.

Ispaniyalik mutaxassis 2:0 hisobidagi g‘alabaga qaramay, O‘zbekiston terma jamoasi Janubiy Koreyaga jiddiy qarshilik ko‘rsatganini ta’kidladi.

«O‘zbekiston juda yaxshi tashkillashgan jamoa ekan. Ular nimani xohlayotganini aniq biladigan holda futbol o‘ynashadi. Shuning uchun bugungi uchrashuv biz uchun qiyin kechdi», — dedi Moreno.

Janubiy Koreya murabbiyi jamoasi o‘yin davomida qiyin vaziyatlarni birgalikda yengib o‘tganini alohida qayd etdi.

«Darvozabondan tortib markaziy hujumchigacha barcha futbolchilarning birgalikda harakat qilib, qiyin vaziyatlarga dosh bergani menda katta taassurot qoldirdi. Men jamoamizda ko‘rishni istagan tamoyillar bugun namoyon bo‘ldi», — dedi u.

Morenoning ta’kidlashicha, Janubiy Koreya terma jamoasida shaxsiy maqsadlardan ko‘ra jamoaviy manfaat birinchi o‘rinda turishi kerak.

«Hech bir futbolchi jamoadan ustun emasligini anglashi kerak. Shaxsiy yutuq va maqsadlarni jamoaning maqsadlari ortga qo‘yish lozim. Faqat shu yo‘l bilan jamoa o‘sishi mumkin», — dedi Janubiy Koreya bosh murabbiyi.