O‘zbekiston milliy terma jamoasi xalqaro o‘rtoqlik o‘yinlari doirasida Janubiy Koreyaga qarshi maydonga tushdi. Tejon shahridagi “Daegeon World Cup” stadionida o‘tkazilgan bahsda 2:0 hisobi qayd etildi.
Uchrashuvning 6-daqiqasidayoq mezbonlar yetakchisi Son Xyon Min hisobni ochib, jamoasini oldinga olib chiqdi — 1:0. Ikkinchi bo‘limda ham koreyaliklar faollikni yana oshirdi va ketma-ket hujumlar uyushtirdi. 60-daqiqada O Se Xun Janubiy Koreyaning ikkinchi golini kiritib, o‘yinga uzil-kesil nuqta qo‘ydi — 2:0. Shu tariqa, “oq bo‘rilar” navbatdagi o‘rtoqlik uchrashuvida imkoniyatni boy berdi.
Sofascore portali ma’lumotiga ko‘ra, uchrashuvning eng yaxshi futbolchisi nomi 7,5 ball to‘plagan koreyalik Son Xyon Minga nasib etdi. O‘zbekiston terma jamoasi safida esa Jahongir O‘rozov (6,9 ball) va Abbosbek Fayzullayev (6,8 ball) eng yuqori bahoga munosib ko‘rildi.
O‘zbekiston terma jamoasi asosiy tarkib futbolchilariga qo‘yilgan baholar:
Abduvohid Ne’matov — 5,7 ball
Abduqodir Husanov — 6,8 ball
Behruz Karimov — 5,9 ball
Jahongir O‘rozov — 7,3 ball
Sherzod Nasrullayev — 5,9 ball
Odil Hamrobekov — 6,5 ball
Akmal Mozgovoy — 6,7 ball
Aziz G‘aniyev — 6,6 ball
Abbosbek Fayzullayev — 6,8 ball
Dostonbek Hamdamov — 6,4 ball
Eldor Shomurodov — 6,3 ball
Umumiy jamoaviy baholashda Janubiy Koreya terma jamoasi 6,92 ball, O‘zbekiston esa 6,54 ballga loyiq ko‘rildi.
