Germaniya futbol ittifoqi (DFB) rahbari Bernd Noyendorf FIFA prezidenti Janni Infantinoni keskin tanqid qilib, uning tashkilot rahbari lavozimida qolishi mumkin emasligini ta’kidladi.
"Janni Infantino endi FIFA prezidenti lavozimida qolishga haqli emas. Uning xatti-harakatlari futbolga jiddiy zarar yetkazdi. Men shaxsan anchadan beri undan o‘zimni chetga olganman. Germaniya futbol ittifoqi ijroiya qo‘mitasi mart oyida bo‘lib o‘tadigan FIFA kongressida Infantinoning qayta saylanishini qo‘llab-quvvatlamaslik haqida rasman va bir ovozdan qaror qabul qildi.
Germaniya futbol ittifoqida Janni Infantino ishonchni butunlay yo‘qotgan, degan fikr yakdil. Bunga so‘nggi jahon chempionati vaqtida va undan keyin sodir bo‘lgan voqealar sabab bo‘ldi. Biz uni rahbarlikdan chetlatishimiz shart", — deya Noyendorfning so‘zlarini Bild nashri keltirdi.
