"Milan" Pervis Estupinyan va Aleksis Salemakersning jarohatlari fonida "Barselona" himoyachisi Aleks Baldega bo‘lgan qiziqishini qayta tiklashi mumkin. Bu haqda Calciomercato xabar berdi.

Manba ma’lumotiga ko‘ra, transfer yanvar oyida amalga oshishi mumkin. Ayniqsa, kataloniyaliklar futbolchining narxi va kelishuv shakli bo‘yicha qulayroq shartlarni taklif qilsa, bitim ehtimoli oshadi. Baldening "Barselona" bilan amaldagi shartnomasi 2028 yil 30 iyunga qadar mo‘ljallangan.

Shuningdek, Estupinyan va Salemakersning shartnomalari bilan bog‘liq vaziyat ham muhim ahamiyat kasb etadi. Ekvadorlik futbolchining ehtimoliy ketishi ham transferga ta’sir qilishi mumkin. Manbaga ko‘ra, yozda uning transferiga Ruben Amorim to‘sqinlik qilgan.

Avvalroq Balde o‘yin amaliyoti yetishmayotgani sababli qishki transfer oynasida "Barselona"ni tark etishi mumkinligi haqida xabarlar tarqalgan edi.

"Yuventus" va "Manchester Yunayted" ham vaziyatni diqqat bilan kuzatmoqda. Har ikki klub yozda futbolchini o‘z safiga qo‘shib olish imkoniyatini ko‘rib chiqqan.