Angliya terma jamoasi bosh murabbiyi Tomas Tuxel Millatlar ligasi guruh bosqichi 4-turida Chexiya ustidan qozonilgan g‘alaba haqida fikr bildirdi.

6 oktyabr kuni Londonda bo‘lib o‘tgan uchrashuvda angliyaliklar raqibni 3:0 hisobida mag‘lub etdi.

«O‘yin juda harakatchan o‘tdi. Agar umumiy kontekstda qaraydigan bo‘lsak, bu ketma-ket to‘rtinchi uchrashuvimiz edi va biz butun o‘yin davomida ustunlik qildik, juda yuqori konsentrasiyani saqladik. Yaxshi vaziyatlar yaratdik, chiroyli gollar urdik, zaxiradan maydonga tushgan futbolchilar esa o‘yinimizni yanada kuchaytirdi. Yana juda yaxshi o‘yin va munosib g‘alaba. To‘rtala uchrashuv ham yuqori saviyada o‘tdi. Biz kuchaydik va buni ko‘rsata oldik. Barcha futbolchilar jamoa va milliy libos uchun borini berishga tayyor ekanini ko‘rsatib, o‘z hissasini qo‘shganidan xursandman», — deya Tuxelning so‘zlarini UEFA matbuot xizmati keltirdi.

Murabbiy, shuningdek, Xarri Keynning Chexiya darvozasiga urgan ikki goliga ham baho berdi.

«Men buni oddiy holatdek qabul qilmayman. U har bir o‘yinda shunchaki ajoyib darajada harakat qilmoqda. Buni ta’riflash uchun yangi so‘zlar topish qiyin», — dedi Tuxel.

Angliya 9 ochko bilan A ligasi 3-guruhida ikkinchi o‘rinni egallab turibdi. Terma jamoalar Millatlar ligasidagi navbatdagi uchrashuvlarini noyabr oyida o‘tkazadi.