Mikel Arteta "Arsenal" bilan shartnomasini uzaytirdi. London klubi chorshanba kuni ispaniyalik mutaxassis bilan 2030 yil o‘rtalariga qadar mo‘ljallangan yangi kelishuv imzolanganini e’lon qildi. Shundan so‘ng Arteta o‘z taassurotlari bilan o‘rtoqlashdi.
"Kelajagimni klub bilan bog‘lash va "Arsenal" uchun faqat eng yaxshisini istaydigan ajoyib insonlar bilan ishlashda davom etish men uchun katta sharaf.
Bu klub betakror. Biz birgalikdagi yo‘limizni davom ettirishimizdan juda faxrlanaman. Biz allaqachon o‘ziga xos rishta va umrbod xotiramizda qoladigan xotiralarni yaratdik. Eng hayajonlisi esa — bu hali biz erishishimiz mumkin bo‘lgan narsalarning faqat boshlanishi.
Men Sten va Joshga ishonch va qo‘llab-quvvatlov uchun minnatdorman. Klubning 140 yillik tarixidagi bunday alohida davrda bu yerda ishlash men uchun katta sharaf.
Bu men va oilam uchun ulkan faxr tuyg‘usini beradigan lahza. Ajoyib muxlislarimizdan mehr va hurmatni his qilyapman va men ham ularga xuddi shunday munosabatdaman", — deya Artetaning so‘zlarini "Arsenal" rasmiy sayti keltirdi.
Ayni paytda "Arsenal" Angliya Premyer-ligasi turnir jadvalida ikkinchi o‘rinni egallab turibdi.
