«France Football» jurnali sobiq bosh muharriri hamda 2023 yilga qadar «Oltin to‘p» tashkiloti rahbari bo‘lgan Paskal Ferre bir agent tomonidan pora berishga urinish bo‘lganini ma’lum qildi.
«Ha, bu rost. Bir agent men bilan uchrashmoqchi bo‘lgan. Uning mijozi, albatta, nomzodlar qatorida edi. Agent uning xizmatlari haqida gapirib, nomzodning afzalliklariga meni ishontirishga uringanidan so‘ng, mendan, iqtibos keltiraman, uning nomzodini hakamlar hay’ati a’zolariga “sotishni” so‘radi. Tabiiyki, men rad etdim.
Keyin telefon qo‘ng‘irog‘iga javob berish uchun stoldan qisqa vaqtga uzoqlashishimga to‘g‘ri keldi. Qaytib kelganimda, agent yo‘q edi, ammo stol ustida konvert yotardi. Men uni olib, qabulxonaga olib bordim. Ichida nima bo‘lganini bilmayman. Rostini aytsam, keyinchalik bu agent bilan yana bir necha marta uchrashganman, ammo u hech qachon konvert haqida gapirmagan va uning ichida nima bo‘lganini aytmagan», — deya Ferrening so‘zlarini Marca nashri keltirdi.
2026 yilgi «Oltin to‘p»ni topshirish marosimi 26 oktyabr, dushanba kuni o‘tkazilishi rejalashtirilgan. Tadbir Londonda bo‘lib o‘tadi.
Joriy yilgi marosim tarixdagi 70-yubiley marosimi bo‘ladi.
